News

དེབ་སྟོན། དེ་ཡང་སྤྱི་ཚེས་༡༦/༦/༢༠༡༨ ལ། རྟ་མགོ་རྡོར་གདན་བཀྲ་ཤིས་ཐང་ནང་པའི་གཙུག་ལག་སློབ་གྲྭས་འགོ་འདྲེན་ཐོག །རྒྱལ་ས་ལྟེ་བ་ཐིམ་ཕུ་རྡོ་རྗེ་ཨེ་ལེ་མེན་ཏྲི་མགྲོན་ཁང་གི་ཚོགས་ཁང་ན། གཞུང་གྲྭ་ཚང་ལྟེ་བའི་ལས་ཚོགས་སློབ་དཔོན་དང་གྲྭ་ཚང་ལྷན་ཚོགས་ཀྱི་དྲགོས་དྲུང་ཆེན་རྣམ་གཉིས་ཀྱི་དབུ་གཙོས་པའི་བཤད་གྲྭ་ཁག་གི་མཁན་པོ་དང་སྡེ་ཚན་ཁག་གི་འགོ་ཁྲིད། དེ་བཞིན་རྩོམ་པ་པོ་དང་འབྲེལ་ཡོད་ལས་ཀྱི་སྣེ་མོ་བ་བཅས་གང་འཚམ་བསྡུས་པའི་ཚོགས་སུ། དེ་ཁའི་ཞིབ་འཚོལ་སྡེ་ཚན་ནས་ཞུ་དག་མཐིལ་ཕྱིན་བྱས་ཤིང་གྲྭ་ཚང་ལྷན་ཚོགས་ནས་མ་དངུལ་རྒྱབ་སྐྱོར་ཕངས་མེད་དུ་གནང་བའི་དཔེ་དེབ་ཁག་པར་སྐྲུན་ལེགས་པར་གྲུབ་པའི་དེབ་སྟོན་མཚན་ཚོགས་ཤིག་འཚོགས་ཡོད། དེ་དུས་ཀུན་མཁྱེན་ཆེན་པོ་མི་ཕམ་པདྨ་དཀར་པོས་མཛད་པའི་ཚད་འགྲེལ་སྤྱི་དོན་རིགས་པའི་སྙིང་པོ། ཆོས་རྗེ་ངག་དབང་ལྷུན་གྲུབ་ཀྱིས་མཛད་པའི་རྒྱལ་སྲས་བསྟན་འཛིན་རབ་རྒྱས་ཀྱི་རྣམ་ཐར་ཆེན་མོ། མཁན་པོ་ཉི་མ་ཤར་གྱི་བརྩམས་ཆོས་དཔལ་འབྲུག་ངོ་སྤྲོད་སོགས་དང་། ལེགས་བཤད་པ་མཁན་པོ་དཀར་ཅུང་གི་གསར་རྩོམ་གསེར་གྱི་ལྡེ་མིག་དང་ཟླ་བའི་འོད་སོགས་དཔེ་དེབ་ཁག་དང་ལྷན་དུ། ན་ལནྡ་བཤད་གྲྭ་ནས་ཞུ་བསྒྲིགས་བྱས་པའི་རྒྱལ་བ་ཤཱཀྱ་རིན་ཆེན་རྣམ་ཐར་དང་། ཀུན་མཁྱེན་འབྲུག་པའི་ཆོས་རའི་དུས་དེབ་གསུམ་པ་ཡང་བཀྲ་ཤིས་པའི་ཚིག་དང་བསྟན་པ་རྒྱས་པའི་སྨོན་ལམ་བཅས་སྒོ་འབྱེད་རྟེན་འབྲེལ་མཛད་ཡོད་པའི་རྣམ་པ་སྤྱན་དབང་བཟང་པོའི་དྲུང་དུ་ཕུལ་ཡོད་པས་ཐུགས་དགྱེས་པའི་རྒྱུར་འགྱུར་བར་ཤོག ། གོང་ཞུས་དཔེ་དེབ་ཁག་གི་ནང་ནས་ཀུན་མཁྱེན་འབྲུག་པའི་ཆོས་རའི་དུས་དེབ་གསུམ་པ་ནི་ཆོ་རའི་འགོ་འདྲེན་པས་ལོ་ལྟར་བཞིན་འབྲེལ་ཡོད་སློབ་གཉེར་གྱི་བསྟི་གནས་རྣམས་སུ་ཆོས་སྦྱིན་དུ་འབུལ་བར་བཅར་རྒྱུ་མ་ཟད་བརྒྱུད་ལམ་ཐོག་ནས་ཀྱང་སྤེལ་འཆར་ཡོད།

༼རྗེས་དྲན་ཞུ་ན་ཞུ་རིན་ཡོད༽

སྤྱིར་བཏང་འཛམ་གླིང་རྒྱལ་ཁབ་གང་དུའང། བྱས་རྗེས་ཧ་ཅང་ཆེ་བའི་མི་བོ་ཆེ་དེ་དག་ལ་བཀའ་དྲིན་རྗེས་དྲན་ཞུ་བ་ནི་ཡ་རབས་བཟང་སྤྱོད་དུ་རྩིས་བ་དང་།

དཔལ་འབྲུག་པའི་བསྟན་སྲིད་ཀྱི་སྐུ་རིམ་རྒྱ་ནག་སྤྱི་མདོས།

རྒྱལ་ས་ལྟེ་བ་ཐིམ་ཕུ་སྤང་རི་ཟམ་གདོང་ ནང་པའི་རྩིས་གཞུང་མཐོ་རིམ་སློབ་གྲྭ་གིས་ ལོ་བསྟར་ཉིན་གྲངས་དགུའི་རིང་གནང་སྲོལ་ཡོད་པའི་ རྒྱལ་ཁབ་ཀྱི་བསྟན་སྲིད་ཀྱི་སྐུ་རིམ་ རྒྱ་ནག་སྤྱི་མདོས་དེ་ ད་རིས་ལས་ འགོ་བཙུགས་ནུག

༉ དུས་གསུམ་རྒྱལ་བ་ཐམས་ཅད་ཀྱི་མཁྱེན་བརྩེ་ནུས་པའི་རང་གཟུགས་དཔལ་འབྲུག་པ་རིན་པོ་ཆེ་སྐྱབས་མགོན་
ངག་དབང་རྣམ་པར་རྒྱལ་བའི་ཞབས་ཀྱིས་དུས་རབས ༡༧ པའི་གནམ་ལོ་ལྕགས་སྤྲེལ་ལོའམ་སྤྱི་ལོ ༡༦༢༡ ལོར་དཀར་བརྒྱུད་བསྟན་པའི་གསལ་བྱེད་ཕ་ཇོ་འབྲུག་སྒོམ་ཞིག་པོ་ཡབ་སྲས་སོགས་ཀྱི་སྒྲུབ་པའི་རྒྱལ་མཚན་དགུང་དུ་འཕྱུར་
བའི་བསྟི་གནས་ཙཱ་རི་གཉིས་པ་ལྕགས་རི་མི་འགྱུར་རྡོ་རྗེ་གདན་ཞེས་བྱ་བར་དགེ་འདུན་གྱི་སྡེ་ཐོག་མར་གསར་བཙུགས་གནང་
སྟེ་ད་ལྟའི་བར་དུའང་ཉམས་མེད་ཕན་བདེའི་འོད་སྣང་འཕྲོ་བཞིན་པར་བཞུགས་ཡོད།



TOP

ང་བཅས་དང་འབྲེལ་བ་འཐབ་ས།

གཞུང་གྲྭ་ཚང་། ཐིམ་ཕུག་བཀྲ་ཤིས་ཆོས་རྫོང་།
བརྒྱུད་འཕྲིན་ཨང་: +༩༧༥-༢-༣༣༧༠༨༥
པར་འཕྲིན་ཨང:+ ༩༧༥-༢-༣༢༣༦༦༥

Copyright © 2015 ZHUNG DRATSHANG.